感激林盛斌撮合 34歲張秀文閃嫁富二代

張秀文前晚被爆婚訊，閃嫁拍拖短短一年多的富二代男友王大權（Billy）。張秀文昨日凌晨回覆本報，盡見對未婚夫的愛慕︰「Billy畀到好大安全感我，各方面都好好！」她特別感激「金牌媒人」林盛斌（Bob）一手撮合。

現年34歲的張秀文，早前被爆與富二代王大權相戀，二人極速開花結果宣布結婚，更一早影定婚紗相。她回覆本報時狂讚未婚夫︰「籌備緊結婚呀，拍拖一年多，大家都好認真，以結婚為目標去相處，Billy畀到好大安全感我，對朋友好好，工作認真又（有）上進心，又鐘意運動同音樂，各方面都好好。」

張秀文其後在社交網撰文，指去年的情人節晚上，自己本在家中穿着睡衣睇短片，突然獲好友Bob邀請出席朋友聚會，Bob更表明想介紹男士給她認識。她坦言當時懶出街︰「金牌媒人（Bob）回了我一句『睇YouTube唔會改變你一生，你今晚肯出嚟就會改變你一生！』結果，我遇見了我的未來老公，我餘生的另一半！」至於Billy亦在網上大曬婚紗相說︰「好感謝Bob，夾硬拉我哋兩個去參加佢嘅親子活動燒嘢食，令到我哋可以喺情人節相遇、認識。」Billy事前向甄澤權學魔術，以魔術方式向張秀文求婚，非常浪漫。據知，Billy是「皮草太子爺」王大業的堂弟，在金融界甚有眼光，有傳他年薪過千萬，絕對是城中筍盤；一對新人待明年疫情再緩和才擺酒。

Bob願助圈中黃金盛女

至於Bob接受本報訪問時開心說︰「只要佢哋相親相愛，開開心心，快啲組織一個小家庭，幸福快樂，已經係對我最好嘅答謝！」提到不少圈中黃金盛女未有對象，如佘詩曼、胡定欣等，會否「出招」助她們覓得如意郎君？Bob說︰「咁如果佢哋真係搵我，我呢啲出心出力嘅，邊個有需要，我都會赴湯蹈火！」

撰文︰Iris

採訪︰楊安莉

美術︰梁政敏