扮女鬼跳十字步馮盈盈難忍笑

無綫劇集《青年心城之撐起青春》前晚播出大結局，其中林正峰首度挑戰喊戲，他坦言事前十分擔心︰「我係無乜自信嘅人，今次仲要喺咁多人面前喊，開頭真係有啲嚇親，好驚自己喊唔出，好彩最後都喊到。」

大結局的另一亮點是馮盈盈的客串演出，她不但全程戴頸箍慘變「梗頸盈」，更要在農曆七月到鬼屋扮女鬼。女鬼look全程不見樣，盈盈笑言甚具難度︰「最難係睇唔到路！現場又黑喎，所以真係要同事扶住我。仲有樣嘢更加難，就係要忍笑，我要一邊唱《皆大歡喜》，一邊跳十字步，實在太滑稽！」