方中信嘆律師唔易演 陳家樂自嘲戴假髮似魚蛋

方中信、陳家樂及黃定謙日前為新片《一級指控》接受香港開電視訪問，雖然方中信不是首次演律師，但為了令角色更傳神，他特意問了律師朋友的意見，他說︰「希望法庭戲拍出嚟，唔好令觀眾覺得無說服力，因為我有啲朋友做大律師，佢哋上庭其實都幾大壓力，又要處理好多文件，所以呢份工唔容易做。」

家樂也認為上庭戲最難演，因為有很長的專業用詞對白，而且他對自己的大律師造型不太滿意，「我着律師袍同戴假髮，拍之前期待自己好有型，覺得會有方中信嘅至少30%，但着完照鏡覺得唔似自己。我當時唔肥，但戴咗假髮之後，成塊面好圓潤，好似粒魚蛋。」