身形健美 港姐莫韻諰體脂僅16%

《2021香港小姐競選》決賽將於周日舉行，12位候選佳麗中有不少運動健將，當中⑱莫韻諰（Vincy）小學時已是沙灘排球校隊代表，後來到加拿大升讀大學時，仍有繼續打沙排，並曾參與不少國際性賽事，因而認識來自世界各地志同道合的好友。Vincy指打排球能令身手敏捷外，亦有助練好英語︰「嗰時每日放學都去練波，同時練英文，同埋學識點樣同團隊相處，建立自信。」

外形健美的Vincy，體脂率原來低至16%，平日有健身習慣的她表示經常操腳︰「大髀肌肉會勁，我都覺得自己對腳唔靚，但我唔覺得輸蝕，因為我係運動型。」