方力申自爆21年來首次畀錢剪頭髮

方力申（小方）早前代表無綫到日本採訪東京奧運，採訪工作結束後，他決定留日遊玩再返港。小方日前在IG限時動態拍片，頭髮長了不少的他說︰「要剪頭髮！因為我頂唔順喇！之後要做嘢，返到香港要隔離，所以…唔掂！唔掂！一定要修一修，當然咁多年嚟都試過畀第二個髮型師幫我剪頭髮，好似拍戲、拍電視劇試造型時，但真係喺我銀包畀錢係無！」

原來小方多年來都未試過付錢剪髮，他更屈指一算，估計21年來慳了50幾萬元。不久小方隨即「補鑊」，指自己講錯銀碼，又笑言最擔心被髮型師發現他剪了頭髮。