為新劇激減10磅 黃翠如一度肥唔番

無綫新劇《七公主》將於今晚推出，女主角黃翠如在劇中飾演性格強悍的律師，為了配合角色設定，本身已十分纖瘦的翠如特意瘦身十磅，營造更削、更冷酷的效果。翠如嚴控飲食，在短時間內就成功減磅，她說︰「其實呢套劇都幾大挑戰，因為角色成日都要板起塊面，唔知係咪太入戲，拍到後期我仲一直咁瘦落去，都有一段時間肥唔番，工作人員都好關心我，好彩依家已經回復番正常體重。」

同劇的衛志豪（Michael）受翠如激勵，苦練鋼條身形，Michael透露一向有做gym習慣，加上節食及操肌雙管齊下，三個月內勁減20磅，他表示︰「嗰時主要一日食一餐，兩隻去皮雞脾加飯，同埋推晒所有飯局。」