10月再舉行音樂會 伍仲衡邀EO2合體勁舞

音樂人伍仲衡今年三月在旺角麥花臣場館舉行《伍仲衡搞乜花臣音樂會》，當時門票在24小時內全數沽清，被稱為疫市奇葩。由於音樂會好評如潮，大會宣布添食，將於10月16日、17日假九展舉行part 2《伍仲衡再搞花臣音樂會》，今日通過網上平台優先訂票。伍仲衡昨日公布約20位演出嘉賓名單，包括《聲夢傳奇》兩位學員鍾柔美（Yumi）及冼靖峰（Archie），亦邀請到《全民造星III》的羅凱鈴（Judas）及陳澤言（CY）等。

至於在13年已解散的組合EO2，四子Otto、Osman、Eric及Eddie更為了伍仲衡再度合體，相信定必勾起不少樂迷的青春回憶。伍仲衡笑言屆時亦有神秘表演嘉賓，他特別感謝演出的歌手們，又笑說：「呢啲人情卡有排還呀！」