拒評私人問題 王浩信陳自瑤提對方即封口

王浩信昨午與袁偉豪、黃智雯等宣傳無綫劇集《刑偵日記》，前日浩信踏入38歲，卻要在工作中度過，幸他昨午獲劇組補贈有其Q版公仔的生日蛋糕，認真開心。浩信透露近日忙於拍攝新劇《廉政狙擊》，開工前亦有與家人食飯慶祝。問到太太陳自瑤（YoYo）有甚麼表示？他即落閘回應︰「都係宣傳番套劇啦！（粉絲送驚喜畀你？）佢哋都想同我慶祝，但因為疫情想保障大家安全，繼續網上Zoom見面！」

至於YoYo昨日同樣在電視城宣傳劇集，不少網友指她對丈夫沒表示，YoYo聞言即表現尷尬，但與丈夫口徑一致稱︰「呢啲私人問題唔回應！」對於她主演的《寶寶大過天》收視比《刑》劇佳，她笑說︰「我真係唔知，無睇收視點樣，我都有睇《刑》劇，認真製作題材少有，畀到大家新鮮感，屋企工人姐姐都有睇！（身為視帝嘅王浩信演繹如何？）我唔方便評論，佢係兩屆視帝，唔回應咁多！」