龔慈恩演強勢婆婆呻辛苦

無綫新劇《寶寶大過天》承接《BB來了》，以子女教育為題材，得到不少家長共鳴。劇中飾演「強勢婆婆」的龔慈恩直言角色具挑戰性，「平時做開腍善角色多，今次做一個強勢啲嘅知識份子，監製要我大聲講嘢，我都辛苦！」她又指馬國明有教導她眼神，要讓人不寒而慄。

至於飾演「腍善嫲嫲」的商天娥，相隔六年再拍劇的她大呼過足戲癮︰「今次我要同龔慈恩喺地下爬、要着泳衣打底浸水、床戲、cosplay都有。扮Elsa嗰日我老公都在場，一見到我個look，嚇到無聲出！你知我以前都比較正規，不過再爆啲都可以，一係唔做，一做就要做得誇啲，令觀眾有驚喜先得。」商天娥與岑麗香（香香）相隔六年再度合作，她形容香香當媽媽後更有女人味，散發另一種韻味。龔慈恩則表示，香香讓人感覺舒服，「佢好sweet，返到公司未埋位拍攝，佢已經叫我媽咪！」