未睇馬國明新劇 湯洛雯︰驚睇完唔想生B

湯洛雯（靚湯）與簡淑兒昨日出席《一笑渡凡間》活動，二人在劇中力爭蕭正楠，她們提議開拍時裝版︰「講濟公穿越去現代。」提到今屆港姐正舉行面試，靚湯得知關禮傑大女關楓馨參選︰「我唔識佢，但識關禮傑，希望佢放鬆心情，我當年參選，因為『星二代』稱號搞到好大壓力，無乜自信。很多人話星二代有後台，其實無，我就係人辦，做咗九年先有機會做女一。」

提到男友馬國明在新劇《寶寶大過天》演爸爸，靚湯笑指男友拍攝時曾往探班，看到馬明湊B時非常狼狽的模樣︰「我未有時間睇套劇，我驚睇完刺激到我唔想生呀！」