Supper Moment主音Sunny 教堂完婚

樂隊Supper Moment的32歲主音陳仕燊（Sunny），去年九月宣布向拍拖六年的圈外女友Emily求婚成功，昨日兩人步入教堂結成夫婦，邁向人生新一頁。結他手梁燿鵬（阿雞）昨日在社交網留言說︰「兄弟，恭喜你同Emily終於正式拉埋天窗。從以前覆句SMS都嫌麻煩，到依家能夠籌備整個婚禮，為咗另一半上婚前培育課程…深深體會你對尋找幸福嘅熱情。」

低音吉他手張祖光（CK）說︰「以前淨係識做音樂，連個雪櫃都唔識得插掣…前幾日聽到你（Sunny）講，依家乜家務你都識做，直頭想tag歌︰愛是苦中亦能笑着滿足。」