施匡翹唔怕歌藝被狠批

施匡翹與谷婭溦等前晚錄影《勁歌金曲》，施匡翹即場獻唱新歌《康復期》，並接受現場歌藝點評，問她可會擔心被狠批？施匡翹坦言心情緊張又期待︰「我係新人，好需要真實意見，好多朋友知我上呢個環節，都問我驚唔驚聽完點評會喊，我希望自己唔會喊。我對自己歌藝有信心，歌曲監製舒文都有教我唱歌技巧，仲有我之前都邊做瑜伽邊唱歌，對練氣有幫助。」

同場的谷婭溦前晚獻唱廣東歌，她坦言被廣東話歌詞考起：「綵排嗰陣，我重複將『尋覓』唱錯做『沉默』，要不斷死記。我依家努力學廣東話，主要靠睇劇集同讀報紙練習，我一邊睇劇集，一邊跟住讀對白，好似自言自語咁，屋企人以為我黐綫。」