阿嬌肥到無頸 阿Sa解畫：佢荷爾蒙失調

向來是圈中「零死角」美女的鍾欣潼（阿嬌），日前在內地真人騷露面時，竟然暴脹兩個碼，網民指她變得貌似向太陳嵐。阿嬌好姊妹蔡卓妍（阿Sa）前晚出席電影《感動她77次》首映時，指阿嬌身體絕對健康，但不會叫對方減肥，免得她有壓力。

蔡卓妍前晚與周柏豪及農夫成員C君等到尖沙咀出席《感動她77次》首映禮，阿Sa在戲中周旋在柏豪、C君等幾位男士之間，她笑言現實中會揀C君做另一半：「因為我同C君同一日生日，佢搞笑又靚仔！」前晚不少粉絲到場支持阿Sa及柏豪，二人受訪時表示十分開心，阿Sa笑說：「原來我仲有fans㗎！我成兩年無見fans，我認得有個fans肥咗好多，不過我就瘦番晒，褲頭都鬆咗。」

提到阿嬌現身內地節目時驚現脹爆身材，更肥到無頸，阿Sa為好姊妹解畫說：「其實阿嬌好健康，只係荷爾蒙失調。（關心阿嬌？）佢知㗎啦，始終都係女仔嚟，呢啲嘢唔講太多，唔想畀壓力佢，其實最緊要係開心同健康。」

提愛犬離世眼濕濕

另外，阿Sa兩隻愛犬近日先後離世，心情仍未平復的她一提到愛犬，即眼泛淚光說：「今日（前日）送咗佢走，都需要時間（平復），都係唔好再講呢個話題，我都驚自己忍唔住。」至於《感動她77次》其實早在三年前拍攝，延至現在才上映，柏豪笑言拍攝電影時自己仍未做爸爸：「依家部戲有出頭天好開心，曾經擔心部戲幾時先可以見大家，因為唔想團隊嘅心機白費，希望疫情受控後快啲通關，大家可以去旅行同工作。」

攝影︰林良明

美術：梁政敏

採訪︰Pauline