拒做烘焙地獄廚神 王梓軒入廚識女仔

藝人王梓軒昨日到銅鑼灣出席一間烘焙店開幕活動，自言在烘焙方面是「地獄廚神」的他，早前破例踏出第一步，跟隨專業的烘焙店老闆娘支嚳儀（Venus）焗製蛋糕送給媽媽，他笑言烘焙課程需時三小時，有足夠時間培養感情，是識女仔的最好方法。

王梓軒表示，跟老闆娘Venus相識多年，他說︰「十幾年前老闆娘參加全球華人新秀大賽，當時已經識得佢，直到最近同事睇緊烘焙嘅網頁，又諗到自己設計了代表自己的動畫公仔Shitto Kun（酸葡萄），於是就搵老闆娘合作推出甜品。」他續稱︰「第一次就跟老闆娘學整美人魚蛋糕，媽咪試過都話好好味。」王梓軒表示本身對烘焙一竅不通，更形容自己在這方面是「地獄廚神」，但經過今次之後，認為自己的烘焙技術其實頗不錯。

Shitto的日文是嫉妒，他透露造餅師傅特別為它設計了一隻超酸的餡料，當扑開「Shitto Bomb」後，裏面會有冬甩、Macaron（馬卡龍）及Shitto Kun扭蛋公仔。他笑言這個公仔可以讓顧客發洩情緒。「因為要食入面嘅Macaron之前，要扑爛個公仔先可以食。（有無興趣投資烘焙店？）投資烘焙店無咁多資金，反而呢個公仔將會推出一系列嘅產品，好似有衫、手錶、玩具。呢個公仔其實都幾似自己，因為佢係一粒提子，提子有少少酸，代表酸過之後就無事。」

孭飛主持新音樂節目

記者笑問他可以藉烘焙課程結識女生，王梓軒笑說︰「又得喎，每次上烘焙課程要三個鐘，過程中又可以互動，咁我即刻去約！」

提到無綫即將推出九個全新綜藝節目，當中王梓軒孭飛主持《演鬥廳》，他表示該節目四月開始拍攝，預計六月播出，「曾志偉搵我做呢個節目之前提出咗兩個要求，第一要搵多啲平時無乜機會上節目亮相嘅藝人，第二就係要同其他音樂節目完全唔一樣，其實都有啲考起我，好彩今次我哋都有幫得手嘅班底一齊做。」不過關於嘉賓名單，王梓軒就表示暫時不能透露。

採訪︰Pauline

攝影︰林良明