廖碧兒唔急生仔樂做「狗奴才」

廖碧兒（Bernice）、林曉峰（阿Lo）、夏雨及囝囝黃奕晨昨日錄影ViuTV節目《是滴是友》。去年曾有傳Bernice與富豪盧啟賢在今年三月結婚，但二人近日互相稱呼對方為好友，疑似關係「降呢」。不過，Bernice日前在社交網po生日時跟親友慶祝的照片，盧啟賢亦是座上客，雙方關係撲朔迷離。昨日Benice被問及會否爆婚訊，她回應︰「我真係結婚會同大家講。」談到在生日聚會時盧啟賢坐她身旁，她回應︰「我同佢一直都係朋友，大家聖誕、新年都要隔離，咪趁lunch聚聚。（心急結婚生仔？）我已經有七隻狗仔，人仔唔使咁急，依家搵錢先。」至於阿Lo提到曾志偉回歸無綫任高層時︰「我有恭喜佢同祖藍。（重返無綫？）呢個世界無嘢無可能。」

另外，夏雨透露今次是首度父子檔做節目嘉賓，亦是第一次踏足ViuTV。他承認有睇囝囝演出的劇集，可覺得囝囝有甚麼地方需要改進？夏雨稱︰「改進就永要都有得改進，你叫我再演一次《溏心風暴》都有得改進。（父子檔拍劇？）如果有人搵，又有合適角色都唔會抗拒。」