再奪歌曲大獎 莫文蔚開紅館騷答謝粉絲

《Yahoo搜尋人氣大獎2020頒獎典禮》日前舉行，許廷鏗（Alfred）、江海迦（AGA）分別奪男、女歌手獎，至於憑《呼吸有害》橫掃四大樂壇頒獎禮的莫文蔚（Karen），獲頒「年度熱搜歌曲獎」，締造大滿貫。

Karen感激歌曲令她回到香港這個家︰「呢段時間輕鬆做自己想做嘅事，見到屋企部鋼琴同琴譜，就拎出嚟彈，我已30年無彈琴！」Karen正炮製全新廣東歌，今年最大任務則是舉行香港演唱會，她說︰「個唱一定令大家目不暇給，我十幾年無喺香港開騷，累積好多想法，驚到時三個鐘唔夠時間擺晒上舞台。」此外，再贏男歌手獎的Alfred感激說：「出道以來，一直得到好多樂迷嘅眷顧。」他表示要以聲音說服人：「要專注唱歌能力或者表演嘅張力，呢啲係歌手嘅基本。」