李錦聯安德尊作客《煮場爭霸》鬥毒舌

安德尊（大王）與李錦聯這對鬥氣冤家，早前為名廚Ricky（張錦祥）和保哥（黃亞保）的無綫飲食節目《煮場爭霸》任嘉賓，節目於前晚播出。大王及李錦聯一如以往般互窒，令本身已經熱辣辣的廚房火花四濺。李錦聯率先寸爆大王：「你就冚蓋得喇！我老婆唔畀我冚蓋，因為怕我滾得太犀利。」大王竟然拿李錦聯的婚姻開玩笑還擊︰「李師傅結咗三次婚喇。（唔係四次？）呢次未離，我幫佢做兩次司儀，做完一次離一次。」之後李錦聯續稱︰「呢個湯要三個鐘？但大王時日無多。」雙方句句有骨，最開心莫過於剝花生的網民。