開辦演藝學校 馬浚偉搵羅冠蘭教演戲

馬浚偉昨日應邀擔任影音使團創世電視節目《雙劍合璧》嘉賓，除了回顧過去困難的日子外，亦分享他追尋夢想的經歷。馬浚偉透露疫情下每天在家工作，但因去年五月開始幾乎每天吃雪糕，導致脾胃又寒又濕。馬仔說︰「有幾次痛到差啲想入急症，後尾去睇中醫，食咗三個月中藥，逼番啲寒氣出嚟，依家面色同講嘢都唔同晒。」

周身刀的馬仔透露其演藝學校即將開幕，他開心說︰「我哋會招攬小朋友同青少年，亦有為現職演員同歌手而設嘅課堂，同埋搵咗羅冠蘭做導師，佢會負責教大師班。（會否教埋一份？）我可能喺最後幾堂向同學分享一啲心得，最重要係幫佢哋搵埋演出機會。」