母親喉嚨患腫瘤 林利陪住瞓：方便半夜幫媽咪抽痰

林利的82歲母親早前因發現喉嚨有腫塊入院，因疫情未能探病，林利曾夜闖醫院見母親，卻目睹媽咪被綁兼手部「種豆」位置流血，令林利心痛萬分。前日林利被發現陪母親到佐敦做身體檢查，他獨家接受《晴報》電話訪問時，透露母親因氣管造口未能說話，自己亦十分擔心母親病情。

前日下午約一時，林利陪同母親到佐敦一間體檢及醫學診斷中心做檢查，只見林利全程細心攙扶媽咪，同行還有一名男友人，林媽媽步履尚算穩健。林利昨日回覆本報，表示當日陪母親做全身檢查，起初他不欲透露媽咪病況，後來才說︰「媽咪喉嚨有個腫瘤，因為壓住呼吸道，要插喉呼吸，依家佢喉嚨有個造口，亦講唔到嘢。」

目前林利24小時陪伴母親身邊，晚上睡覺時亦陪伴在側方便照顧：「好彩我同媽咪心靈相通，佢唔講嘢我都知道佢想點。因為佢插喉，喉管摩擦喉嚨時會有好多痰，所以要成日幫佢抽痰，一日至少抽十幾20次，就連半夜瞓覺都要起身幫佢抽。」林利直言很擔心母親病情，可惜自己「無能為力」，惟有耐心等候下周的醫療報告再作決定，他又大讚母親堅強：「媽咪知自己個病，但佢係個好樂觀同堅強嘅人。」

與台灣妻分隔兩地

由於林利留港照顧母親，與台灣籍太太陳貞均（Erin）長期分隔兩地，雖然早前Erin因老公與台灣女星陳柏渝私訊時有曖昧Emoji而打爛醋酲，幸好兩夫妻冷靜後已雨過天晴。Erin最近在網上售賣二手衫褲，林利亦幫手轉發宣傳，林利昨日說：「其實賣二手物品喺台灣好流行，雖然疫情下我無再去登台，但我哋經濟係無問題嘅。」

撰文︰倪小珊

編輯︰李潔盈

美術︰梁政敏