曾傳緋聞大方合照 戴祖儀羅天宇唔介意拍親熱戲

新劇《香港愛情故事》一班演員前晚錄影《流行經典50年》，羅天宇遇上曾與他傳緋聞的戴祖儀，兩人雖然沒有同台合唱，但仍大方合照。他們不願多談這段緋聞，但表示不介意一齊拍劇，即使有親熱戲也沒所謂。

戴祖儀大讚《香港愛情故事》題材貼地，問她可有留意羅天宇跟龔嘉欣的床上親熱戲？她即說︰「我都有睇到，覺得佢哋呢一對好甜蜜。（如果是你又想跟誰做對手戲？）同邊個都OK，最緊要拍出嚟好睇。（假如同羅天宇呢？）作為專業嘅演員，一定會跟劇本去做。我覺得攝影師跟住佢哋兩個，最辛苦係佢。」提到羅天宇在小巴向龔嘉欣跪地求婚一幕，戴祖儀表示︰「畀我會好嬲囉。（係咪要坐名車接受求婚？）其實最緊要係心思，唔關架車事，我想求婚嘅時候，有屋企人同朋友見證。」

羅天宇跟戴祖儀分開受訪，他強調目前沒有拍拖，並表示︰「已經成日畀人寫（緋聞），我希望大家專注喺我嘅工作上，何況依家無乜嘢令我特別關注，只想將全部心機放喺工作。」是否怕與戴祖儀合作而再傳緋聞？他續稱：「無所謂，睇公司安排，最緊要有演出機會。」天宇亦自爆跟龔嘉欣拍親熱戲時有點尷尬，但幸好兩人很快已變得熟絡。

謝東閔二人世界慶生

同場的謝東閔透露今年入行第十年，最近開始嘗試製作短片，剪輯過往十年的難忘事，包括友情和愛情等。問到女友朱智賢會否出鏡？他笑言：「影片中只有我一人，朱智賢沒有參與。」

謝東閔剛度過35歲生日（6號），他承認跟朱智賢食飯享受二人世界，女友亦準備了生日蛋糕，覺得好sweet。朱智賢一直「解凍」無期，問到今年的遭遇是否很難忘？謝東閔說︰「我自己都唔記得晒，要向好方面去諗，要有正能量。」

採訪︰Pauline

攝影︰林良明

編輯：陳禮恒

美術：梁政敏