回味太空艙逼爆床戲 羅天宇險被龔嘉欣扯甩底褲

羅天宇與龔嘉欣在新劇《香港愛情故事》中「激戰」連場，成功掀起話題，昨晚一集更上演太空艙火辣親熱戲。昨日二人出席宣傳活動，羅天宇自爆拍攝該場戲份時，僅穿內褲的他差點被嘉欣「剝光豬」，尷尬非常。

羅天宇、龔嘉欣、王敏奕及石修等昨日宣傳《香港愛情故事》，天宇與嘉欣即場擠進太空艙內，重演高難度親熱戲，之後天宇彈結他唱情歌狂冧嘉欣。至於在劇中發展老少戀的石修與劉溫馨，亦上演親密場面，劉溫馨坐上石修大髀，石修攬住女方一臉陶醉，相當玩得。

龔嘉欣表示昨晚一集中，與天宇上演床戲：「場戲我哋喺太空艙親熱，我要幫手除天宇條底褲。」天宇則尷尬透露幾乎守不住最後防綫：「試戲時我只着咗一條底褲，但差啲被嘉欣一手扯甩，好彩我即刻捉住，正式拍嗰陣我着咗三條底褲，唔想嚇親人。」

王敏奕寂寞過聖誕

另外，剛度過31歲生日的嘉欣，被指與馬來西亞富二代男友Bryan分手，但她仍獲價值近千萬的將軍澳新樓及名車揸手。嘉欣再三澄清說：「故事唔係真嘅，（與Bryan）開始同結束其實都無呢回事。呢啲傳聞對我都有影響，搞到其他人以為我『封盤』！」她強調物業是自己以首置形式購買：「我要做嘢賺錢供樓㗎！」至於同場的王敏奕以低胸裝示人，她指老公曾國祥身在內地工作，所以她將要度過lonely Christmas：「其實係working Christmas先啱，連帶我明年1月1日生日，都要工作中度過。」

採訪︰Pauline

編輯：李潔盈

美術：梁政敏