王敏奕大戰3男 唔使問老公

王敏奕與謝東閔昨日宣傳新劇《香港愛情故事》，二人在劇中有感情綫外，王敏奕還跟黃嘉樂、黃子恆糾纏，她跟三位型男皆有親熱戲。王敏奕表示謝東閔在劇中黐假鬍鬚，所以拍親熱戲時常忍不住笑，她說︰「大家kiss嘅時候好投入，但我感覺到佢啲假鬚黐晒落我塊面，好拮肉，所以每個take拍完都要補粧。其實拍攝時都幾尷尬，因為喺大庭廣眾面前，仲要個角色好奔放，錫到咁激。」

問王敏奕有否向老公曾國祥備案？她笑說︰「老公唔喺香港，不過佢有睇預告。備案就無乜，我係專業演員，都希望得到佢垂青，佢係導演應該會明白。」謝東閔被問到會否叫女友朱智賢捧場，他笑說︰「我唔知佢睇咗個預告未，我無問佢呀。」

攝影︰林良明