母女檔網上騷吸過萬觀眾 關心妍讚4歲囡囡零怯場

關心妍（Jade）成立六年的「妍亮生命慈善基金」，一直致力幫助有情緒問題的兒童，她開設的兒童音樂學院亦為基金籌款，幫助低收入家庭。今年因應疫情，Jade將籌款活動移師到網上舉行，更與她多年的「偶像」My Melody合作推出慈善親子產品，她笑言「成就解鎖」：「我細細個已經係fans，好榮幸同佢合作，推出呢份聯乘聖誕禮物！」

日前Jade與四歲女兒楊榮心（心心）舉行綫上音樂會，心心大唱兒歌，更換了三套歌衫，吸引過萬人次收睇。Jade笑指心心不停問有沒有同學仔捧場：「今年有時喺屋企開live，心心見慣媽咪唱歌，估唔到佢無怯場。心心睇過我一次演唱會，知道表演要扮靚啲，識得自己揀衫，叻女！」