「馬騮屎忽」Look跳健身操 鍾嘉欣喘氣抬腿似生B

鍾嘉欣（Linda）最近積極做YouTuber，不時拍有趣片段放上網。Linda在最新影片中挑戰健身操，邀請在新劇《兒科醫生》飾演她徒弟的林子超一同參與。平時斯斯文文的Linda原來勁玩得，她穿上80年代Aerobic貼身舞衣，配合浮誇粧容，她更自嘲似足「馬騮屎忽」。Linda親自為子超揀衫，令對方熱褲配青色legging上陣，單看造型已搞笑吸引。

二人跟隨健身操片段一齊跳，起初Linda表現輕鬆，更愈跳愈放，有時動作更似猩猩般浮誇。後來她開始疲倦，不但小腹痛，後來累得要嗌暫停︰「我要call定白車！」他們在第三節健身操中，當做到左右輪流提腿的動作時，Linda搞笑指已累得似生仔︰「我覺得我就嚟生BB！我完全係望住一點，唔諗其他嘢，我就一定做得到，我生BB嗰陣都係咁，我望住一點，就係終點！」後來她真的捱不住，決定叫子超單獨挑戰，最後才一起做掌上壓作結，全程相當賣力。