何婉盈羨慕曾航生有劇拍

何婉盈與曾航生前晚舉行網上音樂會，二人合唱當年經典歌曲《再見亦是朋友》。他們相識近30年，曾航生坦言想過與何婉盈再推出合唱歌：「可惜因為疫情擱置咗計劃，不過合作得開心最重要。」疫情反覆，曾航生表示由今年一月至今未演出過一場登台騷：「損失無法估計，好彩我有份拍劇集《兒科醫生》，月底煞科之後，下月終於有得返廣東做聖誕騷。」

何婉盈很羨慕曾航生有得拍劇，自己雖有戲癮，但體力所限無法捱通宵。她說：「唔知我可以做咩角色，又未到做黎諾懿阿媽。不過我睇劇時覺得做奸角好突出，我好鍾意《殺手》嘅龔嘉欣，都想試下演奸角。我當年拍劇時，可以連續三日唔返屋企，喺地下鋪張報紙就瞓。」曾航生取笑她說：「依家好難請到你啦，做慣少奶奶。」

攝影︰林良明