事先張揚家中外傭周五捧場 張敬軒帶埋「姐姐早餐」登陸紅館

張敬軒（軒仔）的八場紅館騷前晚開鑼，今次是相隔逾一年再有歌手踏上紅館舞台開售票騷。上月中起，軒仔不停在IG狂Po新聘工人姐姐準備的「美食」早餐，成功掀起話題，在前晚個唱中亦繼續擺姐姐上枱，他穿上「自家」早餐衞衣，又預告被他封為「早餐界KOL」的工人姐姐將於本周五捧場。不少粉絲熱切期待工人姐姐成為表演嘉賓，更叮囑軒仔每日開騷前也要歎早餐。

《張敬軒X香港中樂團盛樂演唱會》在本港第四波疫情陰霾下展開，全晚有6,000位觀眾入場，軒仔在台上大唱金曲如《笑忘書》、《青春常駐》等，亦有演繹新歌《見或不見》，更在台上宣布在英皇娛樂老闆楊受成的支持下，成立自己的新Label（唱片品牌）發行唱片，揭開事業新一頁。

曾做深喉唾液測試

軒仔全晚演出都未有戴上口罩，而原定安排超過20位舞蹈員伴舞，不過為免有感染風險，最終大減至僅四人上陣，眾人都要戴上口罩減低染疫風險。軒仔笑言︰「為免咁多人喺台上交換飛沫，佢哋都有戴口罩，希望將來補番個再大啲陣容嘅演出。」他又指，因現場地方限制要屈就80位樂手坐在一起，並坦言自己及需要用口吹奏樂器的樂手，在事前也做了深喉唾液測試，以策安全。

另一邊廂，軒仔上月中開始在IG不斷出Po及發布限時動態，「控訴」家中的70後工人姐姐每朝準備的早餐，都是千篇一律兼清淡乏味，前晚軒仔在encore時穿上一件白色衞衣，更以工人姐姐曾烹調的早餐如牛角包、雲吞伴菜芯等製成立體早餐貼黐在衞衣上，令工人姐姐的「美食」登上紅館舞台，絕對用心良苦。此外，當軒仔發覺有歌迷舉起麵包道具揶揄自己，他即爆料指工人姐姐將會成為其個唱座上客，並向該歌迷稱︰「你27號嚟唔嚟？我睇下可唔可以叫姐姐坐你附近！」

繼續鹹蛋白粥醫肚

昨晨軒仔未有停止為工人姐姐谷人氣，除了在IG上載演唱會高歌一刻並配上「我餓醒咗吖」的說明，又上載白粥配鹹蛋的清淡早餐照，並寫道︰「佢（姐姐）今日放假都有煲定粥！」令網友哭笑不得。

其實，上次有歌手開紅館騷已要數到去年11月初台灣歌王費玉清的演唱會，軒仔原定亦於去年11月舉行個唱，但因場地問題及受到新冠肺炎疫情拖累，無奈地多次延期，就連劉德華的紅館個唱亦因疫情問題被迫取消，今次幾經波折下，軒仔延期一年終能成功開騷，各界也期望他可以順利完成全部場次。

撰文︰Steven

編輯︰黃寶恩

美術︰梁政敏