周柏豪謝票變驚喜生日P

周柏豪與連詩雅（Shiga）在剛開畫的電影《無間行者之生死潛行》中飾演未婚夫妻，他們早前趁新片舉行優先場，突襲尖沙咀一間戲院與粉絲見面，不少觀眾都被戲中二人的愛情戲感動，現場更有觀眾熱情呼籲Shiga︰「嫁畀佢（柏豪）啦！」

首次演反派的柏豪坦言心情緊張︰「擔心大家睇完會唔鍾意，終於感受到做反派驚畀觀眾鬧嘅滋味。今次嚟戲院同觀眾睇足全場，見大家好投入，完場仲畀好多鼓勵我同Shiga，終於放下心頭大石。」席間，有粉絲送上蛋糕及大唱生日歌，為上周36歲生日的柏豪補祝，令謝票活動頓時變成柏豪的生日會，場面熱鬧。