祝福舊愛余香凝出嫁 陳家樂約連詩雅打機過聖誕

陳家樂和港姐冠軍謝嘉怡（Lisa）昨日到將軍澳出席活動，家樂與連詩雅的緋聞傳得鬧哄哄，他預告聖誕節約緋聞女友一齊打機。提到舊愛余香凝明天出嫁，家樂亦大方送上祝福。

陳家樂昨日在「反斗夢幻嘉年華」揭幕禮上，大玩巨型夾公仔機遊戲，自稱「遊戲王」的他，試玩幾次才成功夾到公仔，他事後笑言︰「幾驚失手，會被褫奪呢個名銜呀！」其後才認真表示玩遊戲不算太叻，但每次都會玩得投入，又爆好友關智斌是貪靚多過貪玩。

今年聖誕節，家樂將會為電視劇開工，預計要拍到明年農曆新年後，他希望可以抽時間陪家人食飯。提到首次跟緋聞女友連詩雅過聖誕，是否準備一個浪漫的二人世界？家樂即怕醜稱︰「打足球game，佢都叻嘅。（佢揀男朋友最叻？）唔知呀，答唔到你，哈哈！」至於打算送甚麼聖誕禮物給連詩雅？家樂竟指着活動上的公仔，並笑言︰「人人有份，一視同仁。（攬你咪攬唔到公仔？）攬公仔『毛茸茸』舒服啲，攬我『骨杉杉』唔好。」

提到舊愛余香凝與圈外男友結婚，更有傳是雙喜臨門奉子成婚，家樂亦大方送上祝福︰「恭喜佢啦！我衷心祝福佢搵到一個可以行到尾嘅人。」

謝嘉怡等緊追求者

來自蘇格蘭的謝嘉怡今年首次在港過聖誕，她表示︰「喺蘇格蘭嘅聖誕節，早餐會食雪糕，全日睇聖誕電影同拆禮物，夜晚同屋企人食飯。今年應該會同嫲嫲、姑媽同表妹食飯。」已單身三、四年的Lisa，被問到是否渴望聖誕節有拖拍？她回應稱︰「無乜所謂，之前覺得讀書緊要啲。依家無人追呀，可能我廣東話唔好，我會留意下。」

撰文︰倪小珊

攝影︰林良明

編輯︰陳禮恒

美術︰梁政敏