《愛•回家》集數誓破《真情》紀錄 劉丹化身「叉燒炳」賀打贏自己

處境劇《愛•回家之開心速遞》向來受觀眾歡迎，一眾演員昨日宣布劇集邁向1300集，將會打破《真情》20多年來最長壽處境劇紀錄。在劇中飾演「根叔」的劉丹，昨日以《真情》「叉燒炳」造型亮相，坦言自己破自己紀錄好感觸，又慨嘆「叉燒家族」各散東西，較難齊集亮相《愛•回家》。

劉丹昨日穿上「三多燒臘」圍裙，化身當年《真情》「叉燒炳」，他在台上感觸說：「《真情》1128集係我嘅紀錄，自己破自己紀錄好奇妙。」同場的滕麗名當年在《真情》飾演「阿雪」，兩位《真情》元老一同受訪，劉丹說：「記得20幾年前拍《真情》，珍姐（曾勵珍）仲恭喜蔣志光個仔剛滿月，依家阿蔣個仔都大學畢業啦。」

阿滕則笑說：「開心時間過得好快，拍《真情》時我仲係新人，處境劇係新人訓練嘅好地方、木人巷。當時同丹爺、司棋姐（李司棋）合作，可以話係佢哋湊大我。」問他們會否希望《真情》的班底客串演出《愛•回家》？劉丹說：「相信都難啲，因為演員都各散東西，有啲去咗其他公司，有啲仲移咗民，剩番我同阿滕、蔣志光、林漪娸。」

「朱凌凌」吳偉豪避談姊弟戀

同場的「朱凌凌」吳偉豪，早前被踢爆戀上年長十歲的性感女友Charlotte，問他會否擔心粉絲不開心？他刻意避談說：「唔擔心得咁多，現階段專注工作。」提到網民批Charlotte「照騙」，真人與美照相距甚遠，吳偉豪說：「都唔會諗，只諗工作，嚟緊考健身教練牌。」

採訪︰Pauline

攝影︰林良明

編輯：李潔盈

美術：梁政敏