小演員「有眼不識泰山」 劉德華遭13歲學生當素人

在娛樂圈紅足咁多年的劉德華，最近監製及主演新片《熱血合唱團》，遇上戲中飾演學生的13歲小伙子，對方竟衝口而出說：「完全不知道他（華仔）是誰！」華仔化身熱血老師，卻慘被學生請食檸檬，場面搞笑，果然是童言無忌。

導演關信輝繼《五個小孩的校長》後又一感人新作，劉德華在《熱血合唱團》飾演音樂老師嚴Sir，合演的還有盧冠廷、雷頌德、吳岱融及李麗珍等，影片將於下月26日在港上映。

華仔向來熱衷提攜後輩，今次更大膽起用33位素人學生演員，戲裏戲外華仔都備受學生尊敬，而他亦沒有刻意與學生保持距離，相反還主動與他們混熟，不時跟學生談天，又主動唱歌，眾人相處融洽。當中有一場在碼頭取景的戲份，華仔隨手拾起石頭變魔術，吸引學生圍觀。他們更驚嘆華仔的「魔法」，還嚷着要跟他學魔術，現場登時變成「華仔魔術學校」。

不過，華仔雖然是眾人偶像，但原來也有「食檸檬」的時候。戲中年紀最小、只有13歲的演員姚學智，竟自爆︰「起初完全唔知道佢（華仔）係邊個，唔明點解有人見到佢會喊，後來媽咪同我講佢係大明星，我就開始留意到巴士、影音店都有佢嘅蹤影，我先知道佢真係好紅，哈哈！」

曾夢想做導演

提到今次拍戲有機會與學生打成一片，華仔笑言︰「青春從來無離開過我，其實我身邊不停有小朋友出現，包括歌迷會、公司編劇等都係20歲出頭。雖然我喺體能上唔及佢哋，但心態上絕對可以溝通。」至於不少學生渴望成為真正演員，問華仔可有想起年輕的時候？他直言︰「當然有，因為年輕時，我嘅夢想係做導演，但經過一段時間，老師發掘我做戲較有潛質。」華仔認為每個人的夢想都要堅持一段時間︰「最重要係拎得起，放得低，懂得轉換心態。」

撰文︰Pauline

編輯：陳禮恒

美術：梁政敏