趙慧珊水着曬纖腰衝浪

組合Super Girls成員趙慧珊（Aka）日前為新歌《Fearless》到大嶼山拍MV，為配合新歌以正確心態擁抱恐懼的主題，不諳水性的Aka竟然挑戰水上直立板，首次在鏡頭前以泳裝示人，大騷修長美腿及纖腰，十分吸睛。

拍攝期間，Aka在水中浸足數小時，又被大浪連番擊倒，不過她愈拍愈起勁︰「現場好大浪，淨係攞住直立板落水，都被大浪衝倒好多次，感覺都驚驚地。之後出海考平衡力，跌咗好多次落海，飲咗好多海水，喺海中對腳掂唔到地，真係好驚。」Aka首次穿兩件頭泳衣拍攝，坦言感覺尷尬︰「從未試過着泳衣拍MV，第一次咁大膽着三角褲。」