何珮瑜新劇肉搏小鮮肉

何珮瑜（Jeana）有份演出ViuTV新劇《熟女強人》，她與小鮮肉楊天宇在劇中又攬又錫，還有大膽床戲，笑指已打破自己拍劇的性感尺度，Jeana解釋︰「因為我好少拍劇，做乜都會打破紀錄，我今次着咗四層衫防走光，對手就要騷肌肉，乜都除晒！有一場我唔小心壓住佢大髀筋，痛到佢即刻慘叫。」

Jeana期待在煞科宴跟一班姊妹重聚，她表示︰「拍呢套劇最難忘係幫人做spa，平時我係畀人按，今次就要同曾樂彤、朱鑑然有肌膚之親，劇入面仲有埋BB，我現實中都想有個小朋友，依家母性大發，可惜我連個『盤』（男友）都無，可能拍完部劇要公開招婚先得。」