自認以前緋聞多 高鈞賢拒公開女友身份

首屆香港先生冠軍高鈞賢，自14年離開無綫後轉往內地發展，轉眼六年，昨日他在銅鑼灣出席活動，並透露已跟邵氏簽約五年，正式重返無綫。高鈞賢更自爆目前有穩定女友，卻堅持保密女友身份。

高鈞賢、張曦雯（Kelly）及蔣家旻等昨午出席專屬女性健身中心開幕活動，曾在內地劇《包青天》中飾演展昭的高鈞賢，透露在無綫高層樂易玲和曾勵珍穿針引綫下，剛與邵氏簽下五年合約。他表示︰「因為我簽部頭，自由度大啲，可以繼續返內地拍劇，之前喺內地攞咗啲經驗，賺到少少錢，希望可以再賺多啲。」

36歲的高鈞賢被問到現時可有拍拖？他表示︰「有，不過我想將工作同愛情分開，想低調啲，但係穩定嘅、開心嘅。（女友係香港人定內地人？）唔講，有機會再話畀大家聽，返嚟係想專注工作，始終我以前比較多緋聞，不過有女友係正常嘅。」

張曦雯情陷三角戀

Kelly將於下月底開拍新劇《白色強人2》，她興奮表示︰「今次卡士好強勁，自己都好期待，但我係small potato，要跟佢哋學嘢，我主要跟郭晉安、陳豪有多啲對手戲，算係三角戀。」Kelly又承認與大隻混血兒男友Mark同居，她解釋︰「其實佢都有自己屋企，因為我啲貓狗無人照顧，佢有時過嚟幫我睇下。（同住怕多拗撬？）我哋永遠都無拗撬，好平靜。」

採訪︰倪小珊

美術︰梁政敏

攝影︰林良明

編輯：陳禮恒