讚拍檔殘爆拍《麥路人》 郭富城「狂數」楊千嬅醜樣

郭富城與楊千嬅最近不停宣傳新片《麥路人》，二人日前接受無綫《東張西望》訪問時，談到在戲中以殘爆造型扮無家者，城城忽然入戲「狂踩」千嬅說︰「你睇楊千嬅幾醜樣！」原來他大讚千嬅專業，為角色刻意變肥變醜，令故事更有說服力。

郭富城、楊千嬅及張達明日前接受訪問，眾人在《麥路人》中扮演基層市民，飾演過氣酒廊歌手的千嬅，不但刻意「整殘」自己，並僅以淡粧上陣，務求表現角色的憔悴。城城在訪問時，忽然「觀眾」上身，指住大銀幕說︰「觀眾要喺大銀幕，睇到個眼袋跌落嚟先啱數，你睇下，楊千嬅好醜樣！」他繼續「狂數」︰「楊千嬅個眼袋好大啊，好似幾日無瞓過咁，好殘！」

重提94年善舉

千嬅聞言有點尷尬，並搞笑澄清說︰「我係特登變肥同變醜，如果好靚就唔係嗰個角色。」城城大讚說︰「就係要呢個狀態入無家者之家，唔要你咁亮麗！」其實城城稱讚千嬅夠專業，千嬅亦笑言差點回不去以往的樣子。

另外，港台前DJ曾智華爆出城城26年前的善舉，當年見習騎師林嘉成車禍昏迷，因林嘉成視城城為偶像，城城曾秘密到醫院為對方打氣，可惜林嘉成最後傷重不治。城城接受香港開電視訪問，回憶事件說︰「我記得當時喺佢耳邊唱《對你愛不完》，係佢最鍾意嘅歌。佢傷得好重，大家好擔心，尤其佢嘅馬房同事及朋友。」城城表示日後若有類似事件，他必定樂意相助。

至於城城太太方媛，前日分享兩個囡囡「大寶」和「二寶」的生活日常。方媛安排女兒在家中學手指畫，飯後又帶她們散步「放電」。兩姊妹跳跳紮十分活潑，「大寶」的濃密頭髮更似足爸爸城城，有網民形容三母女是「美少女戰士」，十分搞笑。

撰文︰倪小珊

編輯︰李潔盈

美術︰梁政敏