江伊晴爆老公說話多「助語詞」

江伊晴（Elanne）、陳柏宇及小肥等昨日為ViuTV節目《Chill Club》進行錄影，Elanne透露過往不時跟同期的歌手聚會，但因疫情關係已很久不見。提到老公蕭唯展亦是07年單飛發展，問Elanne為何不考慮夫妻檔同台演出？她抵死表示︰「如果搵埋佢，錄到明年都未錄完。當然我覺得佢唱歌好好聽，但只限於無鏡頭同喺車入面，我又偷拍唔到佢，因為佢對鏡頭好敏感，同埋佢講嘢有好多助語詞，一定出唔到街。（嚟緊有新工作？）疫情下乜都無得做，幫我老公照顧啲盆栽囉，喺緊又打風喇，要幫佢將30幾盤盆栽搬入屋。」

同場的陳柏宇對女兒Abigail遭網民鬧「垃圾」，他說︰「我無嬲，太太嬲啲，但我覺得好笑，邊有人會話BB係垃圾㗎。（減少分享囡囡嘅相？）唔會，我唔會避啲黐綫嘅人。」