B女滿月 雨僑爆囡囡超級易醒

雨僑在上月8日為老公羅力威誕下六磅女兒Harper，趁BB滿月的日子，她前晚在IG上載一家三口溫馨照，並分享湊B心得︰「攝於（BB）三周大時，其實羅小姐係超級易醒，醒咗亦都係會喊嘅，幾經辛苦放落床，洗過手已經醒咗嗰隻，所以要同佢換幾個look影相係無可能，係完全無可能！但呢幾個姐姐真係好叻叻，全程𠱁住佢瞓得冧冧，唔知以為佢哋做開陪月嘅，非常熟手，輕輕鬆鬆影咗輯靚相！」雨僑強調拍攝時注重衞生，全部BB道具和衣物都有消毒。而初為人母的她，更笑指湊B的日子過得好漫長但又好快，感覺好複雜。