擔心屬隱形患者 郭富城自爆已做全民檢測

郭富城及楊千嬅昨日出席新片《麥路人》主題曲MV首播會，新冠肺炎疫情備受關注，城城昨日自爆已響應政府呼籲，去做全民檢測，並希望疫情快過，社會大眾盡快回復正常生活。

郭富城與楊千嬅昨日聯同張達明、顧定軒、監製鄭保瑞及導演黃慶勳等，欣賞《麥路人》主題曲《灰色星塵》MV。城城自言錄音時情緒激動：「睇住歌詞眼淚真係停唔到，仲哽咽到唱唔到。」提到戲院目前重開，拍畢兩年的《麥路人》終於在下周四正式上映，城城與千嬅均希望疫情盡快過去，城城突自爆︰「其實我啱啱做完全民檢測，結果係陰性。我walk in去做，全程都係幾分鐘，我做係希望搵到隱形患者。」

拍戲狂抽煙驚影響肺功能

城城與千嬅回憶拍《麥路人》時，感受甚深。在戲中煙不離手的城城說：「我吸煙吸到怕，好彩之後去睇胸肺科醫生照X光，醫生話我個肺仲係好靚。」千嬅大讚城城極投入角色：「有晚放飯，我拎碟腸粉同豬骨粥畀城城，佢竟然用角色嘅語氣同我講『唔食啦，個角色唔可以肥』，嚇到我放低就走，驚抽離佢情緒。」千嬅指城城不用埋位時，也長期孭住道具背囊，城城解釋是想無時無刻投入角色，又笑言背囊中只有兩卷廁紙。

另外，早前有網上爆料指城城太太方媛曾參加「天王嫂訓練營」，城城護妻說：「呢啲唔係事實，有啲人不負責任，結果令當事人好難受。我太太只係半個圈中人，呢啲（不實）報道對佢嚟講係傷害，我身為佢嘅丈夫，當然要撑佢，希望呢啲不負責任嘅人盡早收手。」

採訪︰ Pauline

攝影︰林良明

編輯：李潔盈

美術：梁政敏