瘦削郭柏妍麥詩晴唔覺輸蝕

④郭柏妍與⑦麥詩晴昨日成功入圍港姐十強，二人均屬於纖瘦一族，穿上泳裝更覺身材瘦削。郭柏妍笑言平時去沙灘多數穿一件頭泳衣，今次以三點式現身心情緊張︰「我唔覺得自己身材輸蝕，人人各有體態美，我自覺身材勻稱，健康最緊要。」至於麥詩晴瘦得來有腹肌，她笑說︰「我上網睇片學習操弗身形，飲食都清淡啲，我自己鍾意有腹肌。」

落選的羅雪妍及源菲然均表示不太傷心，羅雪妍說︰「我約咗源菲然擦餐勁，去食芋泥，因為參選期間要減肥食得好寡。」至於源菲然被指在社交網發表露骨言論，她解釋︰「個社交帳戶係朋友十年前幫我開，但我無上過去留言，我當時得13、14歲，啲字句唔係我寫。」

攝影︰林良明