病況觸發網民罵戰 黎瑞恩爆Seed：我只係生蛇仲未死

黎瑞恩（小恩子）最近非常「黑仔」，她與馬浚偉下月合演舞台劇《男人40 CEO》，因疫情持續，正式宣布延期至明年六月才演出。小恩子更發現眉心「生蛇」，她在社交網留言︰「上次同大家開完Live隔咗兩日，發現隻眼好唔舒服腫咗，初時以為生眼瘡，點知醫生話我隻眼生蛇，唉！我成個人最靚就係對眼……條蛇搞咗我差唔多一個月喇。」馬浚偉等好友及粉絲亦紛紛留言為小恩子打氣，卻有網民留言「贈興」，繼而展開罵戰。

小恩子其後嬲爆出po還擊，她表示︰「睇到一班人充滿仇恨，滿口惡言，心腸歹毒……我只係生蛇啫，我仲未死，咁快就開心到咁，不過唔緊要啦！發洩下都好嘅，做人最緊要開心，至於你哋嘅祝福，上天一定睇到嘅。」