新劇演AI機械人同陸永談情 李佳芯︰依家全力以赴做功課

近日憑無綫熱播劇《殺手》重拾人氣的李佳芯（Ali），昨日有報道指，Ali本月中將會拍攝資深製作人陳翹英負責監製兼編審的新劇《智能愛（AI）人》，今次是她繼去年十月完成《愛美麗狂想曲》後，相隔近一年再開劇，可說終於逃出雪櫃。昨晚本報聯絡到Ali，她稱︰「希望演AI機械人畀到觀眾新鮮感！」

盛傳Ali去年因政治立場遭無綫雪藏，其後有指原定由她主演的《BB大晒》、《踩過界II》、《白色強人2》及《兒科醫生》等劇集也全部換人，對Ali來說，2020年絕對是艱難的一年。

不過，昨日爆出監製過80年代經典劇《上海灘》的陳翹英回歸TVB之作《智能愛（AI）人》，找來Ali當女主角，劇集將在本月中開工，Ali更挑戰高難度扮演機械人，這位18年視后會與馮盈盈、陸永有三角關係，配搭充滿新鮮感。Ali前日亦在IG上載劇本相，隱約見到其劇中角色叫阿寶。

陸永戲言監製大膽

對於今次拍劇演機械人，是否加入TVB拍劇六年至今的最大挑戰，Ali回應︰「係，今次係一個大挑戰，依家全力以赴做功課，希望畀到觀眾新鮮感！」

至於初嘗男一滋味的陸永則謙稱︰「今次監製好大膽，自己一向好有信心做好綠葉角色，過往與Ali只在綜藝節目見過，好彩今次拍檔係視后，我可以做番老本行襯托佢！（會與馮盈盈、Ali搞三角戀？）劇情並非圍繞呢樣嘢，唔好講到我好似小鮮肉！」他坦言在疫情中暫時專心陪伴兩名女兒，靜待月中開工。

另一邊廂，網友也喜見Ali開拍新劇有新開始；有觀眾期待她與形象搞笑的陸永擦出火花。

撰文︰Steven

編輯︰黃寶恩

美術︰Simon