簽約古天樂公司 張繼聰望專心拍戲︰唱歌係副業

05年以歌手身份入行的張繼聰，及後加入無綫拍劇，17年簽約蕭定一旗下；惟蕭定一跟無綫打官司，令阿聰遭無綫封殺。不過「封殺令」隨合約結束而解封，阿聰日前正式加盟「娛樂大亨」古天樂的公司成為旗下藝人，望在影壇大展拳腳。昨日阿聰接受《晴報》電話訪問，透露正努力裝備自己，迎接影圈挑戰。

現年40歲的張繼聰，畢業於演藝學院，雖以歌手身份出道，可惜歌唱事業發展麻麻，反而12年加入無綫拍劇後，演出劇集如《老表，你好嘢！》、《老表，你好Hea！》、《忠奸人》等均大受歡迎，不但勇奪「飛躍進步男藝員」，及後擔正主演的《收規華》更令他人氣一時無兩。

阿聰17年簽約蕭定一，由公仔廂跳上大銀幕，但因當時蕭定一與無綫發生電影版《十月初五的月光》超時補水官司，令阿聰及其他蕭定一旗下藝人一律遭無綫封殺，阿聰因而絕迹無綫。不過昨日有報道指阿聰已回復自由身，更轉投古天樂公司旗下，不但可以拍電影，亦有望回歸無綫拍劇。

想挑戰高難度角色

昨日阿聰接受本報電話訪問，承認已加盟古仔公司，將主力以演員身份發展︰「電影方面部署緊，不過疫情關係，好多戲嘅劇本都係創作當中。」想挑戰甚麼角色？他說：「演員就係不停裝備自己，遇到任何角色都盡力去做。對我嚟講，所有有得發揮嘅角色都想挑戰，例如傳記式人物、身體有缺陷嘅角色，又或者要做好多資料搜集嘅角色，我都有興趣挑戰，令自己突破唔同嘅演法。」至於會否繼續唱歌，他坦言：「唱歌嚟緊只係副業，甚至係興趣，工作會以演員為主。」

撰文︰倪小珊

編輯︰李潔盈

美術︰梁政敏