27歲變「輕熟女」 余香凝影內衣相練性感

余香凝與連詩雅（Shiga）前晚錄影籌款節目《明愛暖萬心》，她們剛巧分別是陳家樂的舊愛與緋聞新歡，二人同場未見交談。前晚余香凝以性感打扮現身，她笑言已到「輕熟女」年紀，將來如果演性感角色的話，也希望能應付自如。

余香凝前晚身穿開胸高衩晚裝出席節目，胸前若隱若現，充滿女人味。她笑說：「件衫我自己揀，因為我會喺70人嘅管弦樂團伴奏下唱楊千嬅嘅《小城大事》，所以想着得隆重啲同靚啲。」她笑言前晚比上次在無綫獻唱時瘦了十多磅：「希望保持到依家嘅狀態，優雅不失性感。」

余香凝透露最近找攝影師拍攝一輯性感靚相：「我着住內衣影，啲相只係留倩影，唔會出寫真集。我依家27歲，覺得係個轉捩點，已經唔係少女，係輕熟女。」不過她被同事取笑不能性感示人：「同事叫我練下啲表情，我都會練下，如果將來有性感角色，我都處理得到。」

連詩雅生得太高被欺凌

同場的連詩雅身穿五吋高踭鞋現身，她笑言讀書時曾因生得太高而被欺凌：「我成日被人笑我高到可以換電燈膽，女同學又覺得我高傲，唔鍾意同我玩。識我嘅人都知我表面cool，但其實傻更更又『論盡』。另外，她表示要撲口罩及糧食，問她會否叫緋聞男友陳家樂幫手？她說：「我唔鍾意依賴人，我買防疫物資有心得。」

採訪︰Pauline

攝影︰林良明

編輯：李潔盈

美術：梁政敏