馬貫東在熱播劇《那些我愛過的人》中，飾演患有亞氏保加症的內科醫生古希晨，由於不善溝通，所以總令人誤解成戇直和木訥。私底下的阿東是怕醜仔，只要不是講對白演戲，他跟古希晨一樣沉默寡言，這或多或少跟他的成長經歷有關。
現年33歲的馬貫東，入行13年，由跑龍套、路人甲到慢慢成為小配角，可謂一步一腳印。這是第一次挑戰男二角色，他直言緊張又興奮，阿東說︰「角色沉默寡言，唔識表達自己情感，面部表情好淡，但淡得嚟又要觀眾感受到，呢個係最大挑戰。監製希望透過我的演繹，令大家知道亞氏保加症患者跟正常人沒有分別，不是大家既定感覺是傻、怪的人。」
他獲安排跟亞氏保加症的患者見面，加上自己閱讀相關書籍和紀錄片，希望好好演活角色。結果，他成功了，劇集播出後，網友幾乎一致認同他的演技大有進步，更推他成為年底頒獎禮「飛躍進步男演員」大熱。該劇監製關樹明亦大讚馬貫東︰「他演活只活在自己世界的古醫生，講說話令人尷尬的神髓，表現滿分！」
演秦博思同是代表角色
接拍《那》劇時，馬貫東被安排暫別《愛‧回家之開心速遞》，當時他飾演的「秦博思」大受歡迎，特別是跟Mandy（謝芷倫飾）的感情綫，可惜一別至今已經一年多。阿東直言，無論《八時入席》的十仔，還是《開心速遞》的博思，同樣是他心目中的代表作，而今次《那》劇絕對給予觀眾完全不一樣的感覺。
在訪問過程中，筆者笑阿東的回答總是很簡短，稱得上是「句點王」，他笑笑口稱︰「我本身唔係好識講嘢，劇組演員都笑我本身有呢個病，我唔係好識表達自己同溝通，（入行13年都一樣？）講對白完全無問題，私底下就好少嘢講，其實拍《愛‧回家》後已經比以往大膽和有自信，仍然在努力進步中。」
阿東自小父母離異，他和兩個姐姐由媽媽一手一腳湊大，沉默寡言的個性是否跟成長背景有關？他仔細思考良久，也不太確認，但直言讀書時經常被欺凌。阿東說︰「細個成日被人蝦，成日都自己匿埋，譬如同學會畫花我件衫，丟走我的擦膠，可能我細個時又肥又矮，係人都會蝦呢款男仔。小學、中學都有發生，慢慢都習慣咗，所以匿埋唔出聲，盡量佢哋講嘢我唔參與，費事下個目標輪到我。」
屢遭欺凌 自認怕事男
不善溝通的阿東卻偏偏愛上演戲，由班上小人物變成電視機前的藝員，他笑言︰「可能大家覺得好神奇，被人蝦又無特別唔開心，因為我無乜反擊能力，又唔鍾意同人爭嘢同辯駁。（影響深遠？）好聽係隨和，唔好聽係怕事。」他感激媽媽和姐姐們由細到大保護他，如今他長大了，是時候報答家人。阿東說︰「入行頭十年幾乎都係屋企人接濟，好多謝兩個家姐撑住頭家支持我追夢，依家我事業叫做開始穩定，希望可以幫佢哋建立一個溫室、一個安樂窩，保護番佢哋。」
入行13年換來一個被看見的角色，阿東認為時間剛剛好，他說︰「太早我唔夠經驗去處理，太遲又怕無咗團火，我團火都曾經細過，入行約五、六年時，人工唔高捱得辛苦，加上媽媽唔舒服，諗過不如做番攝影師啦！後來捱過咗，我訂下目標，30歲後就應該負番責任，好彩，30歲我入咗《愛‧回家》，等我仲可以繼續追夢。」
苦盡甘來的阿東現時幾乎是劇接劇，問會否想挑戰男一？他說︰「無乜特別追求，有戲演就好開心，返《愛‧回家》又好開心，下一套接正劇一樣開心。入行到依家，無話一定要做到咩位，或者一定要做男主角，每次機會來到，我做到最好，監製唔失望，又覺得用我係值得的，我就好開心，因為唔想辜負別人嘅期望。」
撰文︰楊安莉
攝影︰楊嘉傑
編輯：黃寶恩
美術：梁政敏