吳岱融林韋辰 製飯盒向基層送暖

吳岱融、林韋辰早前為福幼基金會做義工，齊擔任星級大廚，合力製作「節瓜草菇炒魚鬆配溏心蛋」愛心飯盒。兩位暖男在廚房輪流炒「大鑊餸」，更一邊煮一邊唱歌，與其餘義工輕鬆完成100份愛心飯盒。他們從煮餸、包裝飯盒到親自送往社區派發給基層人士，事事都親力親為。吳岱融坦言︰「人生有好多階段，現時係我一生人從未遇過咁大嘅疫情同逆境，真係好多人失業！我哋派呢個愛心飯盒，親身體會到一個飯盒對有些朋友來說真係好需要。今次係一個好好嘅體驗，希望大家將呢個信息傳開去，多啲幫助有需要嘅朋友，大家一齊獻出愛心！」

至於林韋辰亦表示︰「今次疫情影響好多低收入人士，可以話係雪上加霜，我知道好多有心人喺背後出錢出力，希望呢個活動可以延續落去，幫助更多有需要人士。」