羅力威呵護7個月孕妻 雨僑︰老公唔係豬隊友

羅力威、雨僑結婚兩年宣布造人成功，懷有七個月身孕的雨僑，昨日在社交網大曬大肚寫真。她接受《晴報》訪問時透露，懷孕期間獲老公羅力威悉心照顧，網上美容生意亦交由老公打理，等自己專心安胎，做個靚靚孕婦。

雨僑日前到影樓拍攝大肚寫真，穿上白色低胸連身裙的她腹大便便，上圍明顯升級，但手腳依然纖瘦，完全沒有臃腫。雨僑留言︰「七個月，開始感到你的重量，你的力度，我覺得你會是個強壯的寶寶，有時我會很疲倦，有時則敏捷得忘了自己是孕婦，193天和你在一起，我都享受着，睡一整天也好，精力旺盛也好，這是我們獨一的共同回憶。」

對於相中未見羅力威現身，雨僑昨午在電話訪問中解釋，羅力威不太喜歡扮靚拍照，故沒有一同出鏡，但她透露稍後會影家庭照，屆時羅力威會一起拍攝。問到懷孕期間可有「害喜」情況？雨僑謂︰「有啲攰、眼瞓同無乜胃口，但都係正常，算係好感恩。我老公好幫得手，佢喺我唔算好精神時，幫我做晒所有嘢，舖頭生意幾乎交晒畀佢，仲要煮埋飯畀我食，所以佢真係好忙同好攰，絕對唔係『豬隊友』。」

選擇自然分娩

不少網民大讚雨僑「肥胎不肥人」，她開心續稱︰「我無刻意去保持身形，只係趁依家未開始腫脹時留倩影。基本上除咗生冷嘢唔食，其他都無乜特別戒口，連海鮮類都會食少少。有朋友送燕窩、花膠畀我，我只係食咗幾次，因為我想順產，驚補得太多，BB會太大個，到時就好難生。」

另外，雨僑又透露日前已為BB房進行裝修，「裝修期間我哋搬返娘家住，已差唔多十日，始終聲音同氣味都會影響到我，我哋亦開始添置其他BB用品，繼續學習中。（有請陪月？）有屋企人做陪月，到時會請對方嚟幫手照顧BB。」

撰文︰倪小珊

編輯︰陳禮恒

美術︰梁政敏