疫情下開戲救市 古天樂助基層同業度難關

新冠肺炎疫情影響下，香港電影業幾乎全面停工，不少電影人手停口停。古天樂旗下的天下一電影將與英皇電影合作，開拍十部港產片救市，古仔坦言有收到基層電影人求助，他希望為業界出一分力。

古天樂（古仔）昨晚出席護膚品牌活動，身為電影公司老闆的他，十分關心業界情況。問他與英皇電影合作開戲進度如何？古仔表示正籌備中︰「限聚令影響拍外景，唔想拍拍下停工有損失，都要睇疫情變化。」古仔表示趁此機會幫助基層電影人，同時發掘新題材︰「大部分（新片）題材都有，但話唔定會邊拍邊改。」何時正式開拍？古仔只笑說︰「我做咩講咁多？好多嘢我都係聽公司嘅人講。（你係電影公司老闆？）邊個講㗎。」

留家中煲《愛的迫降》

有指古仔與曾志偉想開拍類似《豪門夜宴》的新片，他昨晚只表示到適當時候便會公布。古仔身兼演藝人協會會長，疫情下要處理更多問題？他說︰「會長好多嘢解決，不過有好有唔好，好嘅係有時間休息，留喺屋企睇《夫妻的世界》、《愛的迫降》咁；唔好嘅非常多，全球、社會同業界都有影響。」他表示收到基層電影人的求助個案，目前已處理，稍後亦會公布協會的援助方案。

此外，導演鄭保瑞早前指古仔拍內地電影，目的是想籌集資金在港開戲，古仔只說︰「我都係用心做好每件事，得閒睇多啲電視啦。」

採訪︰Pauline

編輯︰李潔盈

美術︰梁政敏

攝影︰林良明