黃光亮想演老年同志

黃光亮首次亮相無綫節目《流行經典50年》，前晚特別唱出《監獄風雲》主題曲《友誼之光》。他表示拍劇比較辛苦，渴望重返電影圈，甚至不介意挑戰同志角色。

新冠肺炎疫情影響藝人收入，黃光亮笑指：「我退休十年啦！依家閒時喺屋企睇書，不過我講完大家唔信之嘛！（有諗過出書？）咁又唔夠班，睇得明已經很好。」問他可會再拍劇？黃光亮坦言比較難，始終太辛苦，不習慣長時間開工，反而心思思再拍電影，他表示：「劇本最重要，演乜嘢角色都得。（同志片？）做同志多數靚仔喎，不過睇我個衰樣都『叔叔』地，都想試下。」

同場的王敏德（Michael）錄影時獻唱許冠傑的經典歌《最佳拍檔》，提到他有份演出的《飛虎之雷霆極戰》日前在TVB首播，Michael竟笑謂︰「我miss咗！老婆（馬詩慧）當時睇緊另一個channel，而我就出街食飯！」

採訪︰Pauline

攝影︰林良明

編輯：陳禮恒

美術：梁政敏