熊黛林不介意做虎媽 細孖高大「蝦」家姐

熊黛林（Lynn）昨午到商台接受訪問，提到一對孖女早前剛滿兩歲，Lynn笑稱她們性格不一，兩人爭玩具時通常都是細孖Lyvia爭贏，而Lynn有時會扮演虎媽角色，如果女兒不聽話便會打手板，她平時湊女只會痛錫，但不會縱容她們。

受新冠肺炎疫情影響，熊黛林的工作需要押後，過年後有更多時間在家中陪伴一對孖女。至於老公郭可頌有從事消毒產品生意，所以這段時間反而更忙。

大孖Kaylor和妹妹Lyvia早前兩歲生日，Lynn和老公一家四口到影樓影相，她表示偶爾開工時會帶囡囡到拍攝現場，所以她們對鏡頭不感陌生。問到兩個女兒在家中有何活動？Lynn表示囡囡會一齊睇書，亦買了一些書籍教材給她們學習，Lynn認為教材雖然好貴，但給女兒用總算抵番！

最怕老公雪糕誘惑

至於兩個女兒會否爭執？Lynn坦言妹妹Lyvia長得高大，每次都是贏家，而當她們爭玩具時，Lynn會立刻上前阻止，亦會跟她們講道理，有時更會「做衰人」，打她們手板以示懲戒。Lynn語重深長說︰「我希望兩個囡囡要有規矩、有禮貌，唔啱就一定要鬧。」Lynn還笑言不希望女兒長得太過高大。

提到近日經常足不出戶，Lynn坦言擔心吃得太多致肥，所以會保持做適量運動，她笑言︰「我見到老公成日拎啲雪糕出嚟引我，但我真係唔敢食，怕肥咗減唔番。」

採訪︰Pauline

編輯：陳禮恒

美術：梁政敏