爆老公私隱 吳若希得戚：佢都唔介意

吳若希（Jinny）日前在網上直播語出驚人，大爆老公何兆鴻（Alex）沒有自瀆習慣，事後Jinny被網民狠批不尊重老公。昨日Jinny到新城電台宣傳，問她會否收斂，不再爆老公秘密？她卻得戚說：「我老公唔介意，佢都無叫我唔好講，呢啲好正常，佢都30幾歲啦！（教壞小朋友？）我凌晨先開live，同埋小朋友都唔使我教啦，我細佬10歲已經問我性問題，每個人都會經歷，唔係核突嘢。」

提到有網民質疑Alex點解會娶Jinny，她笑說：「咁我的確係入咗門，同埋我奶奶永遠都讚我好，我又會讚奶奶，但成日有知情者報料，話我哋有婆媳糾紛。」