吳業坤自認多人錫

吳業坤（坤哥）昨日在將軍澳電視城開工，提到汪明荃早前收到一箱「納米滅菌噴霧」，坤哥搞笑地留言問︰「可唔可以噴我？」昨日見他收到阿姐的禮物，包括消毒噴霧和護目鏡。

坤哥表示︰「化粧間姐姐通知我有一袋禮物，仲係由阿姐親手題字『煩交』吳業坤，覺得好好笑，我連包裝袋都唔捨得丟。好開心得到多位阿姐嘅厚愛，好似Helen姐（馬海倫）、Liza姐、Do姐（鄭裕玲）、家燕姐和娥姐（商天娥）。（你好有長輩緣？）Bobby哥（歐陽震華）對我都好好，好開心佢哋有我心。」坤哥表示打算送一包日本口罩給阿姐作回禮，阿姐聞言答謝坤哥︰「呢個時期真係好需要（口罩）。」

採訪︰Pauline

攝影︰林良明